Awak kuru meni begeng
Geus begeng tambah cembetut
Aya awewe ekeur nonggeng
Singhoreng ekeur ngaluarkeun hitut
Tutut lain sembarang tutut
Tutut dicandak ti Cirangkong
Hitut lain sambarang hitut
Hitut gede siga bangkong
Lamun tutut ti Cirangkong
Jung ditunda di kobong
Kajeun hitung siga bangkong
Nu penting beuteng molongpong
Kobong saha asa kajeun
Di Malangbong ibak-ibakan
Molongpong soten beuteng anjeun
Ari batur kalabakan
Aya kacang geus garing
Meulina di parapatan
Aih lain salah kuring
Naha hitut diiseupan.
ecet-ecet oet-oet
ngaronda ngalureuk belut
kapelet kuring ka pelet
ku randa nu gede hitut.
Didieu loba kanyere..
Hanjakal parentil keneh..
Didieu loba awewe..
Hanjakal carentil kabeh
Ibu peri milih casan..
Ngan hanjakal teu dibeuli..
Itu istri geulis pisan..
Ngan hanjakal tara mandi
Tibatan mawa padang..
Mending ge mawa ragaji..
Tibatan ulin begadang..
Mending ge diajar ngaji
Aya tempe nuju dibacem..
Ngadamelna nepi ka lieur..
Abdi aya hate ka anjeun..
Naha anjeun bet ngabalieu
pergi ke lembang beli tinta..
tinta diberi ke mang mihun..
kalau memang sudah cinta..
tak bertemu sehari serasa setahun
Cikunten lamping cikunten..
Ka baros muteran parapatan..
Hapunten kuring hapunten..
Tina entos seueur kalepatan
Ka cikajang meuli pisitan..
Dina bantal aya tikukur..
Aya mojang geulis pisan..
Ngan hanjakal pamajikan batur
Si entong indit ka braga..
Henteu poho ngajak si angga..
Tong sirik kanu leuwih boga..
Tong ngahina kanu teu boga..
Daun hiris dibeungkeutan
Dibawa ka juru leuit
Anu geulis ngadeuketan
Hayangeun di bere duit
Ka subang tea basa burit..
Geuning loba halangana..
Mun urang teu boga duit..
Geuning loba kahayangna..
Supa mayang saboboko,,
Saparo na dikaparakeun,,
Hayang mah tibareto,,
Ngan acan kalaksanakeun.
Ngabalangkeun ti pancuran,
Ngadon nyangsang kana galeng,
Ngabangbrangkeun pipikiran,
Hate angger tetep manteng.
Hayang teuing nyaba ka bandung,,
Sok hayang apal nanjakna,,
Hayang teuing nanya nu pundung,,
Sok hayang apal nyentakna
Lamun maneh boga keris..
Sok paehan lauk hiu..
Lamun maneh pinter basa inggris..
Sok naon artina love you
Rek leumpang meuli dawet,
dawet anu digulaan,
Asa hayang sangu liwet,
liwet anu dipedaan.
Nyepeng piring naha tibalik..
Saga nu doyong kahujanan..
Meungpeung kuring boga milik..
Saha nu hoyong dijajanan
Jarak oge jadi koneng
Ngan geutahna utal atel
Harak soteh ka si eneng
Bongana sok tual toel
Ti tarikolot ka cimanggu
Ti leuwiliang ka cibubur
Ari geus kolot tong loba lagu
Cing inget ka liang kubur
Lauk teri daun pecay
Lalab bonteng sayur lompong
Paingan siaki teh ngacay
Singhoreng huntu na ompong
Katapang sisi tampian
Dauna kana lahunan
Patepang dina impian
Jauhna jadi lamunan
Moe pare dina hateup
Anu garing rek dikarungan
Hese sare teubisa reup
Gulang guling ngan sorangan
Tidak ada komentar:
Posting Komentar